hanum, þæt ær niþingsværk. § 9. Huggær maþær bu manz niþær, gærs at gorvarghær, þæt ær niþingsværk. § 10. Løpær maþær a hærskip ok gærs bunkæ bitær, maþær standær a halsi ok a høfþe ok hæriær man, þæt ær niþingsværk
ÞÆTTÆ ÆR ÆRFÞÆR BOLKÆR.
1.
Sun ær faþurs arvi. Ær eigh sun, þa ær dotter. Ær eigh dotter, þa ær faþir. Ær eigh faþir, þa ær moþer; þa ær broþer. Ær eigh broþer, þa ær systir. Ær eigh systir, þa æru sunær børn. Ær eigh sunær barn, þa æru dottor børn. Ær eigh dottor barn, þa æru broþor børn. Ær eigh broþor barn, þa æru systur børn. Ær eigh systur barn, þa ær faþur faþir. Æru moþor moþer ok faþur broþer, þa takær moþor moþer ok faþur broþer gangær fra.
2.
Moþer takær sunær arf, til enge sun dør. Þa gangi dotter til ok taki slikt sum moþer af arvi. § 1. Hauir moþer tva kollæ, dør enge sun af aþrum koll, þa skulu døttær til gangæ, ær vm faþur æru mæþ hanum, skiptæ viþ moþor sinæ arvi. Taki slikt hvarin sum annur.
3.
25Moþor faþir ok faþur moþer, þer æru iamnærvi. Moþor broþer ok faþur systir, þer æru iamnærvi. Dottor sun ok sunær dotter, þer æru iamnærvi. Systur sun ok broþor dotter, þer æru iamnærvi. § 1. Kollum skal arvi skiptæ sundær i tu, halft a fæþærni ok halft a møþærni, æn baþir æru iamnskyldir.
