faræ ok i Østrægøtland. Þa skal han sændimæn hingæt gæræ til aldrægøtæ þings. Þa skal lagmaþær gislæ skiptæ, tva sunnæn af landi ok tva norþæn af landi. Siþæn skal aþræ fiuræ mæn af landi gæræ mæþ þem; þer skulu til Iunæbækkær mote faræ. Østgøtæ gislær skulu þingæt fylghiæ ok vittni bæræ, at han ær sva inlændær, sum lagh þerræ sighiæ. Þa skal aldrægøtæ þing i gen hanum næmnæ. Þa han til þings kombær, þa skal han sik 37 allum gøtom trolekæn sværiæ, at han skal eigh ræt lagh a landi varu brytæ. Þa skal lagmaþær han fyrst til konongs dømæ ok siþæn aþrir þer, ær han biþær. § 1. Konongær skal þa þrim mannum friþ giuæ þem, ær eigh hauæ niþingsværk giort.
2.
Æn biskup skal takæ, þa skal konongær allæ landæ at spyriæ, huarn þer viliæ hauæ. Han skal bondæ sun væræ. Þa skal konongær hanum staf i hand sæliæ ok gullfingrini. Siþæn skal han i kirkiu leþæ ok i biskupsstol sætiæ. Þa ær han fullkomen til valdær vtæn vixl.
3.
Bondæ sun skal lagmaþær væræ. Þy skulu allir bøndær valdæ mæþ guz miskun. § 1. Konongær skal næmd firi sik sætiæ ok lagmaþær a þingi. § 2. Þæt hetir e aldrægøtæ þing, ær lagmaþær ær a; þær ma folk ætleþæ ok sættum lysæ.
4.
Takær maþær bo manz vp at vfældu, þæt ær þrænni niv markæ sak: a niv mærkær saksøke ok giald firi bo sit mæþ svornom eþe, niv mærkær konongær ok niv mærkær allir mæn. § 1. Huggær maþær hus vp manz av vsøktu, þæt ær þrænni niv markæ sak: a niv mærkær saksøke ok sva 38 konongær ok sva allir mæn.
