2.
Stialæ tuer faþghær, værþæ taknir mæþ, hængi faþir vppi ok sun, æn maghændi maþær ær. § 1. Gangær at stialæ bryti ok þræl, bryti skal vppi hængiæ ok eigh þræl.
3.
Takær maþær þiuf sin ok þiuft mæþ, bindi þiuf a bak ok leþe til þings mæþ tuem vittnismannum, þa ær vittnæ a þingi han sannæn þiuf væræ, mæþ tolf mannum a þingi gangæ þæs at sværiæ, „at han ær fuldær þiuuær, þy ær han værþær lif sit latæ“. Siþæn skal han dømæ til hux ok til hangæ, til draps ok til døþæ, til torfs ok til tiæru, vgildæn firi arvæ ok æptimælændæ, sva firi kirkiu sum firi kononge. § 1. Værþær þiuuær takin a vægh ok eigh af þem, ær firi styld ær wrþin, þa skal han þiuf hem mæþ sær leþæ ok buþ sændæ þem, sum stolen var, sum þiuuær þær ær. Hauir han hans sannæn þiuf fingit, taki mark firi þiuf ok tva øræ firi þiuft. Æn þæn, sum stolen ær, kallær þiuft eigh varæ sinæ ok eigh þiuf, haui þæn, sum i handum hauir, þiuf til þings, dømis þæþæn til konongsgarz. Bonde skils viþ þiuf sakløs a þingi. § 2. Takær maþær þiuf annærs manz a vægh ok eigh sin, latær løsæn at lagløso, þa kallæ mæn þæn lottækæri væræ þiufnæþær.
4.
54Sva ær i laghum talt, at þrir æru þiuuær: en ær þæn, ær stiæl ok takær, annær raþær i hændær þiuui, þriþi takær viþ, þer æru allir enæ lund sakir. § 1. Þrer æru þiufs vituløsor: en, æn i hændi takær, annur, æn or husi draghær, þriþiæ, æn leþis til garz ok til grindær; gitær hvarghin sik orþiuuæ giort. § 2. Þrer æru þiufs vitur: en, at iak stal eigh fæ þit, ok eigh þyftis iak a, annur, at iak reþ eigh fæ þit i hændær þiuui, þriþiæ, at iak æm eigh viþærtaku þiuuær þin, ok væri sik, sum saghæt ær.
