4.
Lystær bonde kono sinæ i ølbænk, bøte hænni þrer mærkær. Lystær han hanæ i kirkiu, bøte hænni þrer mærkær. Læggi aptær til bos. Taki or, hvat þem skil hældær hughær ællær hæl.
5.
Far maþær vaþæ hug, værþær hvarti blat ællær bloþoght, þæt kallær svartæ slagh. A iki ræt a.
6.
Værþær manni vrang banæ sak giuin, þa skal hæræzhøfþingi væriæ han mæþ tvænni tylptum næmdær mannæ af hæræþi.
7.
Ær friþær manz vbøttær, þa skal boskipti kræfiæ ok skyldir lukæ, ængum meræ æn til þriggiæ markæ. Þa skal konæ takæ þriþiung sin ok þrer mærkær at hindrædax gæf. Þa a arvi takæ þæt halft, sum æptir ær. Siþæn skal þæn lot æptir ær, skiptæ i þry: takær en lot saksøkin, annæn konongær, þriþiæ hæræþ.
8.
Konæ firigær manni, fællir hanæ lukt hæræznæmd, þa skal hun hauæ griþ til skox, dax ok nattær. Þa skal latæ dømæ hanæ vgildæ firi arvæ ok æptimælændæ ok dræpæ þær næst.
