9.
Far maþær sar, liggær i længi, gangær i mælli ok dør i þerre, giuær arvi sak þem, ær sarghæþi, ok kallær han banæ væræ, þa skal han væriæ sik mæþ luktri hæræznæmd, æn han dør innæn nat ok iamlangæ. Gangær þær iuir, þa bøte iki. Falz han at sak, bøte mannin aptær.
ORBOTÆ MAL.
23Dræpær maþær man i kirkiu, þæt ær niþingsværk. § 1. Dræpær maþær man a þingi, þæt ær niþingsværk. § 2. Gangær maþær a griþ ok gøræ sæt, hæmnir maþær þiufs, hæmnir maþær ræpsingær a þingi mæþ sarum ællær mæþ drapi ællær mæþ brænnu, þæt ær niþingsværk, firigørt landi ok løsom ørom. § 3. Huggær maþær baþær hændær af manni, dræpær maþær souen man, þæt ær niþingsværk. § 4. Þæt ær niþingsværk at bæræ skiold iuir þangbrækku, hæriær a sit eghit land, firigørt iorþo, lanzvist ok løsom ørom. § 5. Bindær maþær man i skoghe viþ træ, þæt ær niþingsværk. § 6. Skiutær maþær in a lyuræ ok dræpær man, dræpær i løgho ællær i bastughu, dræpær þa han nøtir þarvæ sinnæ, stingær vt baþi øghon a manni, skær tungu or høfþe manni, huggær af baþæ føtær af manni, dræpær maþær kono, þæt ær niþingsværk alt. Hun a e friþ til moz ok til mæssu, aldrigh æru sva mykil vigh i mælli mannæ. § 7. Dræpær maþær lønær drotten sin, þæt ær niþingsværk. § 8. Dræpær maþær man i ølbænk mæþ knivi, sitær vm knif ok køtstykki mæþ24
