vnde houptman czu Godlande. vnde das hat der erbare here Her Svure eyn vörstender des Spytalis czu sente Jörghen bůsen der stad Godlande brocht vs dem Gothnischen czu důcze. vnde dat hat gescrebin peter warthenbergh van Costan vnde hat das ge endet an deme Suntage czu palmen Noch gotis geburt also man schribet Jndeme irsten Jare noch XIIII. hundert jaren amen
(Historia Gotlandiae.)[1]
1.
Gotland vant aller erstin eyn man der was geheysen thieluar. do was gotland so eliuch das is des tages neder sang vnde des nachtes vffen was ¶ Na der czit das der man vůr vf das land brachte do en sang das nicht mer ¶ Disser thieluar hatte eynen son der was genömet hafdhi. vnde des hafdhins wip was genömet chuitastierna[2] ([3]das ist des aller wysten erbdochter. dy czwey dy bůweten aller erstin vp godlande ¶ Jnder ersten nacht do sy dar czů samene slifen do tromete ir eyn trom wy das drye slangen weren czu samene geulochten an eren bosem vnde lenczil gleten vs erem bosem dem[4] trom vffenbarte sy vor erem manne hafdhi vnde he richte er den ([5]troum also. Alt ir baugum bundit bolant sal thitta wardha ¶ das ist also vil Js ist an einander gelenket dis sal czu ein bvland werden vnde vns werden drye söne geboren. den gab her alle namen vngeboren vnde sprach. Guti sal gotland besitzen. Graypir sal der ander heysen. vnde gunfiann der dritte ¶ dy drye teylten gotland na der czit an drye dritteil ¶ deme oldesten also Graypir ([6]geheysen czuvel das norder dritteil. vnde Guti das mittelste. vnde
- ↑ Hae narrationes carent rubrica, nec notis numeralibus distinctae sunt.
- ↑ chuitastierua quoque legi posset.
- ↑ Verba das — erbdochter linea sunt inducta et subiectis punctis notata.
- ↑ Lege den.
- ↑ Pallidam scripturam in sequentibus, usque ad verba: Na der czit &c., passim renovavit rec. man.
- ↑ Verba geheysen czuvel, rec. man. renovata, recte esse lecta, certo adfirmari non potest.
