þattæ æꝛ lecara rætaꝛ
Uarþæꝛ lekærí baꝛþæꝛ þæt ſkal e vgılt uaræ Vaꝛþæꝛ lekar ſargaþæꝛ þen ſum mʒ gıghu gangaꝛ all’ mʒ fıþlu faꝛ all’ bambu · þa ſkal kuıghu taka otamæ ok flytıæ up a bæſíng · þa ſkal alt har af roppo rakæ ok ſıþæn ſmyꝛıa · þa ſkal hanum fa ſko nyſmurþæ · þa ſkal lekarín takæ quıghuna vm roppo · ᛘ · ſkal tıl huggæ mʒ huaſſı geſl · Gıt’ han haldit · þa ſkal han hauæ þæn goþa grıp · ok níuta ſum hunꝺæꝛ græſſ · Gıtær han eıgh halꝺıt · havı ok þole þæt ſum han fek ſkama ok ſkaþæ biꝺ’ı alþꝛıgh ¶ 40 r. hallꝺær ræt æn huſkonæ huꝺſtrukın · E · a varıænꝺı vıtu ok ſkylꝺæſtí arf at takæ ·
þættæ æꝛ conōg’ bolk’
Emunꝺ’ꝛ ſlemæ vaꝛ conong ı vpſalum ok ſven tıuguſkıæg ı danmark · þeʀ ſattu rıſtír mællır ſverıkıs ok ꝺanmaꝛk · þa næmꝺus af ſwerıkı · cakalꝺı af tíuꝺæ lanꝺı · Botn af fıærꝺ’ꝛunꝺæ lanꝺí · Gaſı af væſtmannæ lanꝺı · Grímalꝺí af øſtrægøtlanꝺı · Nænníʀ af ſmalanꝺum · Thoꝛſten af væſtrægíøtlanꝺı · Tolle af íutlanꝺí · Totı ok tokı af ıutlanꝺí · Gymkıl af ſıalanꝺı · Dan af ſkaní · Gꝛímítun af hallanꝺı · þer tolf ſættu ſæx ſtenæ mællır rıkıænnæ · Fyꝛſtı ſten a ſuntrv aſí · Annæꝛ ı ꝺanæbæc · þꝛıꝺþı kınnæ ſten · Fıarꝺ’ı íuracſ næſı · Fæmtı hvıtæ ſten · Sættí bꝛimſæ ſten · mællír bleconſgſ · ok møꝛe · Danæ holmbær ær ſkıpt’ ı þre løte løte · A en lot vpſalæ conong’ · Annæn aꝺana conōg’ · þrıꝺþıæ lot a noꝛegſ conong’ · ꝺa ær ſtæmnæ þerræ vær · þa hælt ꝺanæ conōg’ ı beſzle vpſalæ conongſ · Æn noræn conong’ ı ıſtæꝺ hans ·
