318
redeunti, summa Divini favoris munera precans ominansque, quale de censu suo potuit donarium animo devo tissimo offert Musarum et Pallados Togatæ Gratitudo.
Magne Comes, Patrii Lux fulgentissima Regni,
Parrhasiique novum sidus honosque poli.
Qui Tua Sceptrigeris iunxisti stemmata Ceris,
Pectoraque excelso sanguine digna geris.
Ore potens, Genioque et Pallade plenus utraque
Justitiaque gravis, munificusque manu.
Post suspensa truci feliciter arma Gradivo
Et tot magnorum condita pila Ducum;
Post clausum Jani tot hians immaniter annis
Limen, et augustis signa reposta tholis;
Nunc in Hyperboreum lætus reflecteris orbem,
Pacis et optatæ pulcra trophea refers;
Ad nova Sceptra gradum faciens ponendaque jussa,
Qua terram sulcat, qua mare Livo suum.
Obvia stat septem pulcerrima Nympha Trionum
Venturo regimen Riga datura sui.
Sed quocunque pedem flectis, Parnassia Turba
Fit comes, occurrunt ex Helicone Deæ.
Nempe Altrice sua pia Numina pace triumphant,
Proque dato grates munere pacis agunt.
Et simul expediunt omnes certamine magno,
Quicquid habent decoris, quicquid et artis habent.
Accipis en specimen, multo de Castalis auro
Induit, adspectum jam subitura Tuum,
Et jubet arte nova rigidum mollescere marmor,
Et Tua vivaci nomina ferre sinu.
Excitat ingenium nullo non digna labore
Materies, stimulos dat sua fama novos.
Ars certat marmorque istic, geniusque manusque
