castæðhi han .i. lagh war. marghæ wrætti. oc krokæ. oc ilh braghð. oc þy war han kallæðþær. kringalli.
¶. Fæmti war. Tubbi stallæri. han war laghmaðþær. litlæ stunð. oc war grimbær. oc wrangwis. þa stunð han war.
¶ Sætti war. Öndær aff æssungi.
¶. Syndi war. Wluar af Trælghu. han þolde bort wrækilsi swa at han baðhi tappæðhi walð oc laghmanz namn. fore sinæ vsiðhi. oc folsko.
¶. Attunði. war. Þyrnir. han war föððær .i. wplandum.
¶. Niundi war Wluar hans sun.
¶. Tyiunði. war. Aszur af Hæru. han taldi wæstgötæ lagh. al .a. enom ðagh. þy. eno sinni. oc aldrigh mer. fore þy at han do ([1]skamp þær æptir.
¶. Æliupti war. Karlli. af Ezwæri. han æflti eygh egn ællær alðræ[2] costæ. swa mykit sum raflekær hans oc hyarttæ haweskæ. oc snilli hans högðhe han til þæs wælz. han spurðþi æptir þem mannum spaklikæ. ær læghæ spiæl görðo .i. landi waru. han ræfsti hwarium. æptir sinni giærð. oc lanð sith fore ondom mannum frælsæðhi han. oc vdömum. hwaðæn aff war han saghþær mæð. myldri ([3]hyggiu laghæ styræri. oc þy[4] war han saghðær kuæmilikæ faðþir at fostærlanði.
¶ Tolfte war. Algutær hans sun. æptir han. mykilhughætær maðþær oc girughær.
¶. Nu firi þy at. Sitruggær[5] han[6] sun wildi eygh ættir sins faðþurs döðþæ. þa byrð .a. sic bindæ. at wæstgötæ. formæli for þy at war vngær. oc eygh at sær gior æn .i. allæ löte. Oc þy tok Önðær aff grolandum. þrænttandi.[7] wiðþær laghmanzðöme. rætwis man oc staðlikær. han taldi ræt lagh oc gömde þerræ .i. hwarn stað.
- ↑ Pro skampt þær. Cfr. not. 22. pag. 243.
- ↑ Forte legendum aðræ.
- ↑ Ihre (Diss. Vet. Catal. Reg. Svio-G. p. 77. not.) credit pro hyggiu laghæ esse legendum hugi ulaghæ; ad quam sententiam quoque accedit O. Rabenius (Diss. not. 4. cit. p. 51.). Male. Si coniecturae hoc loco opus essent, potius dicendum esset hyggiu laghæ pro hyggiu ulagha esse scriptum. Cfr. not. 53. pag. 218.
- ↑ Verba oc þy bis sunt scripta, nempe in fine prioris, et initio sequentis paginae.
- ↑ 60. Sk. Stj. et Br. (l. not. 4. c.) legunt Gitruggär.
- ↑ Pro hans. Cfr. not. 25. pag. 293.
- ↑ Lege þrættandi.
